العيد وأطفال الحجـــــــاره

[size=16][size=25]العيد وأطفال الحجاره

معرفشي ليه نفرح ف عيد .... ونقول يا ناس عيدكم سعيد

والقدس باصص من بعيد ............. متكبِّله اديه بالحديد

مفروض نواسي ف كل عيد .... بعيون ترغرغ بالدموع

ـــــــــــــــــــــــــــ

ونجيب سعاده فيه منين .......... والناس ف غزه حزنانين

ويا ريتنا نحزن حبتين ........... مع إخوه في البلد الحزين

على كام جدع مِستشهدين ، من غير سلاح من غير دروع

ـــــــــــــــــــــــــــ

أطفال حجاره مسكتوش ........... عن زقل دبابة الجيوش

داخلين عليها ما بيخافوش .والطوب يصيب حتى الوشوش

أطفال صحيح زي الوحوش .... من كل صنف وكل نوع

ـــــــــــــــــــــــــ

دا طِفل عنده سبع سنين ............... وده طفل أكبر حبتين

ودا طفل ابوه م المسجونين . ودا اخوه خدوه معرِفشِي فين

ودا طفل صابُه رصاص ف عين .والكل عنده العزم جوع

ـــــــــــــــــــــــــ

أما احنا أطفالنا الجُمَال .................. متدلعين آخِر دلال

لو شفت حد من العيال ......... وسألته عن معنىَ النضال

أتحدّى لو جاوبك وقال ........ حيكون ساعِتها واد ضليع

ـــــــــــــــــــــــــــ

حتقول له : طفل حجاره فين ؟ .. يهرب بعينه شمال يمين

بس الولد يعرف منين .... مسمِعش عنهُم كلمتيـــــــــــن

حيقول لك :اسأل بخيارين .... الواد جبان واللا شجيــــع

ـــــــــــــــــــــــــ

مفروض نعلم ف الولاد ..... من صُغرُهُم حُب البلاد

ونقول لهم معنى الجهاد .... علشان يشبُّوا رجال شداد

ويكونوا لبلادهم عمـــاد .......... يبقوا لها السد المنيع

ـــــــــــــــــــــــــ

حتضحُّوا بخروف م السِمان .. علفينه أصلا ًمن زمان

وانتوا هِنا زي الحيتان ...... وهناك اخوكم عُمرُه هان

ولأنه مش أبدًا جبان ...... ضحَّىَ عشان إبنه الرضيع

ـــــــــــــــــــــــــ

يطلع بجيل مِستني يوم ........ حيخلي كل الناس تقوم

تِحمِل سلاح وتجافي نوم .... وتـُكالها ع الرب الكريم

وهيطردوا الباغي اللئيم ..... والقدس يفرح بالرجوع

ــــــــــــــــــــــــ

يا رب إسمع واستجيب .... إنت المُعين وانت المُجيب

دا حَرَم شريف زارُه الحبيب ... ليه يختِفي زي المَغيب

يا رب صون بيتك وجيب .. نصرك ويبقى الدين شفيع

*************[/size][/size]

مشكور على الشعر الرائع يا استاذ مسعد واتمنى انك تنورنا على طول

» أبو الحسن يجتمع مع رئيس مصلحة الضرائب الرئيسية بعد العيد