حتى ولو ضد البرازيل ( زجل )

[size=16][size=21]حتى ولو ضد البرازيل
فرقِتنا ف كاس القـارات ....... أبدعتـُم ضد البرازيــــل
طلعتـُم كل المهارات .......... وعملتـُم شوط حلو جميل
لولا اللون والتيِشِيرتات ............ ليقولوا عليكم برازيل
بتبانوا ف وقت الزنقات .... أصل المصري شهم أصيل
حتى ولو ضد البرازيل
ــــــــــــــــــــ
جار الحظ علينا ومال .... كام غلطه دخلـِّت في الجول
وقدِرتوا تعَدِّلوا في الحال ........ ونسِيتـُم مين المسئول
ولعِبتـُم برواقة بال ............. جـِبتـُم تاني وتالِت جول
وظبطتم كل الباصات ......... وجريتوا تمام زي الخيل
وسبقتوا ولاد البرازيل
ــــــــــــــــــــــــ
هِمِّتكوا يا لعيبه معانا ........ أصل مكانكوا المونديَّال
دانتوا غلبتوا كينيا وغانا ..... ورعبتوا اسود السنغال
ياللا نرمي الماضي ورانا ....... ننسى أي كلام انقال
أوعوا نفكر ف اللي فات .... دا المِشوار الجاى طويل
وابدأو من ماتش البرازيل
ـــــــــــــــــــــــــ
زي ما جبتـُم كاس إفريقيا .. تِقدروا نوصل كاس العالم
وتودونا جنوب أفريقيا .... نفسنا واللهْ نروحها يا عالم
أمنيِّتنا وهىَّ الباقيه ........... راح نوصلها مهما ً قالـُم
فاضل لينا اربع ماتشات .... شِدُّوا الهِمَّه وشِدوا الحِيل
خدوا دفعه بماتش البرازيل
===========
أزجال
مُسعَدالنحلة[/size][/size]