يا محمد ياصلاح ابو جريشه ( بمناسبة مباراة تكريمه )

[size=16][size=25]يا محمد يا صلاح ابو جريشه

يا محمد يا صلاح ابو جريشه .... يا سليل العيله الكرويه
تستاهِل تقعُد في الكوشه ..... يا عريس الكوره المصريه
ــــــــــــــــــــ
يوم الحد الجاي هنجيلك ......... وهنملا الاستاد ع الآخِر
ما انت فاكهة آخر جيلك ......... وبفنــــك كنا بنتفـــــاخِر
ــــــــــــــــــــــ
لعيب كوره كنت تمللي ............... ألعابك فيها العالميه
واجوانك كانت بتخللي ........ مكسب مضمون ميه الميه
ــــــــــــــــــــــ
عاشق أحضان الدراويش .... زي بقيت أهلك واعمامك
يارب يخليك وتعيش ............ ويحقق إبنــــك أحلامك
ـــــــــــــــــــــــ
ويكون زيك واد حرِّف ... ويكون برضُه ف نادي الميه
ويا رب نعيش لما نشوف ......... عنقود العيله الفنيَّه
ــــــــــــــــــــــ
شفنا زمان سيد وصلاح .... ومحمد وعلى الفنــــــان
كنا بنقيم الأفراح .......... ونغني أحلـــــى الألحــــان
ـــــــــــــــــــــ
بس انت يا محمد فارق ... ليك لمسِة لعيب في أوروبا
واما بتلعب وتكون فايق ... بتفوق مرادونا ودي روكبا
ـــــــــــــــــــ
جـِبت مع النادي بطولات .... شِلت معاهم درع وكاس
دوري وكاس اربع مرات ..... فِرْحِت بيهم كل النــاس
ـــــــــــــــــــ
دلوقتي انت أول واحِد ........ م العيله في إدارة النادي
انتخبوك قول مليون واحِد ... والناس كانت بره تنادي
ــــــــــــــــــــ
علشان أخلاقك وغلاوتك ..... وأصاله في حب بلادك
يا رب يزيدك بحلاوتك ...... وتكمـِّل من جيل أولادك

************[/size][/size]

شكرا ليك يا استاذنا علي الشعر الرائع

mohamed ismail fox كتب:: شكرا ليك يا استاذنا علي الشعر الرائع

أنا اللي شاكر يا أستاذ محمد حرصك الجميل على تشريفي بالتعقيب الجميل
دمت بود ومحبه
أخوك

» بمناسبة مباراة الأسماعيلى والزمالك
» بمناسبة مباراة الأسماعيلى والأتحاد
» جهاد جريشه حكما لمباراه الزمالك
» الحلقة الرائعة لفضيلة الشيخ محمد حسان وفضيلة الشيخ محمد حسين يعقوب
» طرح تذاكر مباراة الاسماعيلى والهلال