بيـان مباراة المقاولون العرب .. شكرا يا ابطال !!

انا باسمي و باسم كل اعضاء الجروب .. بتوجه بشكر كبير و عرفان للابطال اللي بجد عاشوا 4 ايام من رمضان في شغل دائم متواصل بلا نوم ولا فطار ولا اي حاجه .. و المشكله انه بلا اي مساعده كمان .. فريق العمل الصامت .

الناس دي يا جماعه اشتغلوا على اكشن ماتش المقاولين في صمت .. و دا شعارهم " نحن نعمل في صمت " .. في 4 ايام كان مرسوم 40 ستيك .. و بانر الكابو

و انا شخصيا حسيت بتعب و مجهود الناس دي .. وبأن شغل الاستكات دا اكتر شغل متعب بامانه عشته في حياتي .. الاستكايه عشان ترسم بالتفاصيل .. و الوان كتير .. و فرش صغيره .. تعب بامانه

تخيل انت بقا انك تبقا معاك اتنين شغالين في صمت و محدش يعرف عنكوا حاجه .. شان تعمل اكشن ترفعبيه اسم مجموعتك .. بجد كلمة الشكر قليله اوي عليكوا يا ابطال

شكرا يا فرنسا .. شكرا يا سيد .. شكرا يا مورا !

اثبتوا انكوا رجاله .. و تحت امر الجروب في اي وقت .. و دا المتوقع من ابطال زيكوا .. اكيد كلمه الشكر قليله عليكوا .. خصوصا بعد ما مجهودكوا دا كله راح .. بس بنوعدكوا الاكشن دا هيتنفذ في اول ماتش نلعبه في اسماعيليه ان شاء الله .. و بناء عليه مش هنحط اي صور للتسكسات .. هنحط صور مجمعة مش اكتر

مرة تانية .. شكرا يا ابطال !